INTERNATIONAL AFFAIRS 世事政情
  • 言歸政傳Jenny Yin 加入最愛專欄
  • 於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

點拎球星簽名相先至醒?唔使用劍嘅! 2017-08-11收藏文章
  • 我要回應

  18歲卜卜脆,入埋英甲球隊就絕對唔係濕濕碎!繼香港名宿張子岱後,18歲少年戴偉浚年紀輕輕已經成功打入英甲。終於,10號嗰晚正選上場!Jenny唔少球迷朋友都非常睇好佢,睇嚟小妹都要趁佢未係太出名之前,去拎返個簽名都好噃!話唔埋日後佢英超上陣、聲價百倍,嗰陣Jenny手上嗰張相,隨時值錢過近排最Hit嘅美斯簽名相,今次仲唔發?!

 

 

 圖中25號嘅「DAI」就係戴偉浚喇!

只要有恒心 簽名可成真


  好多人以為拎球星簽名相好難,Jenny話你知:其實唔難!咪話Jenny唔益你,正所謂:「只要有恒心,簽名可成真。」而家就教大家用郵寄嘅方式,問球星拎簽名嘅方法啦!

 

  據Jenny一個身為巴塞粉絲嘅朋友仔教路,成件事係有啲Old School嘅。首先,預備兩個信封,一大一細:細嘅寫自己回郵地址,連埋「戲肉」──一封用英文寫成、嘔心瀝血、感人肺腑、情意綿綿嘅Fans信,一次過入落個大信封到,跟住搵啱球會個地址(千祈唔好寫錯啊!)貼埋郵票就可以寄出等回覆喇!

 

  如果你想個球員簽名落自己張珍藏相度,就記得入埋張相入去噃!一般預兩個月左右就會有回信㗎啦!朋友仔警告,幾鐘意個球員都好,記住唔好一次過寄勁多信去轟炸人呀!唔係多就掂㗎,萬一人哋以為係惡搞就功虧一簣。

 

  嗱!想拎美斯嘅簽名相又好、尼馬(記得佢轉咗去巴黎聖日耳門喇!)嘅簽名相都好,Easy Job啦!唔駛用劍嘅!

 


大嘥鬼我發現咗你喇!

 

大嘥鬼亂入少年警訊?


  講起年輕人,特首林鄭月娥今日就喺Facebook Share咗香港警察Page嘅一段MV,就係噚日佢去八鄉少年警訊永久活動中心暨青少年綜合訓練營開幕禮時拍落嘅,林鄭就喺post嗰度寫咗句:「八鄉少訊中心將會同年輕人一起同行,開創他們嘅未來。」MV入面首歌就係少訊新主題曲《少年行者》,由大台劇《一屋老友記》入面個「細寶」張彥博主唱架,仲搵埋一班小妹妹一齊合唱添!班小妹妹唱得又跳得,唔知會唔會有人成為第二個Celine呢?

 

  講返呢個位於八鄉嘅少年警訊永久活動中心,就係以前嘅消防訓練場地,當年林鄭仲係政務司司長嗰陣,有份支持呢個地方「變身」架!望真啲,MV入面仲有個特別嘉賓,就係環境局吉祥物大嘥鬼喇!大家可能會問Jenny做咩大嘥鬼會出現?其實係因為中心入面嗰棵美人樹用嘅肥料係廚餘堆肥再做而成,大嘥鬼一出現仲畀人踢埋入會,佢喺Facebook話已經成為香港首名少年(鬼)警訊喇!

 

  Jenny見到唔同政府部門Page可以善用Facebook平台去玩Crossover,成件事好有趣,公關手法明顯Upgrade咗喇!

 

我要回應
  • 生活副刊
  • DIVA
  • 健康好人生
產品簡介

【etnet健康好人生】即睇即答 賞新書《走肉家人 – 同枱吃素》連作者親筆簽名

【火速報名】etnet生活副刊工作坊系列: 「花、子、樂」Floral Jamming

【etnet Bonus賞你】The ONE︱LINE FRIENDS戶外充氣梳化