INTERNATIONAL AFFAIRS 世事政情
  • 言歸政傳Jenny Yin 加入最愛專欄
  • 於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

葉劉自爆被「恐嚇」 民主黨阿廷都出手聲援!? 2017-12-06收藏文章
  • 我要回應

  特首林鄭月娥喺競選時就話領展(00823)係施政嘅「三座大山」之一,而一直有關注呢個議題嘅新民黨主席葉劉淑儀(葉劉)都一樣成日抨擊領展,今年似乎仲加多幾錢「肉緊」,頻頻出文批評,點知今日(6日)佢就聲稱幾個星期前曾經被領展「恐嚇」,叫佢「收手」!

 

 

葉劉話暫時就唔會公開段錄音,亦都唔會報警。(資料圖片)

 

想食個飯就擺平葉劉?冇咁易!

 

  是咁的,今日立法會開大會,第一項議員質詢就係講領展問題。雖然呢個質詢唔係建制派提嘅,但係葉劉咁關注呢個議題,所以完咗質詢循例都要講返兩句。點知佢大爆幾個星期前,領展透過專欄作家李兆富,同新民黨嘅政策總裁袁彌昌講「叫葉劉好收手喇!再唔收手就會『郁』佢啲區議員」。之後葉劉向領展嗰邊表示不滿:「有冇搞錯?恐嚇我?」,跟住領展就不斷派人向佢道歉,又話請佢食飯;但係葉劉就梗係唔制啦,仲話「因為請我食靚餐、飲靚酒就可以擺平我咩?簡單係荒謬!」仲話手上有錄音嘅證據添!不過,葉劉話暫時就唔會公開,亦都唔會報警,因為警察仲有好多嘢要做喎。

 

阿廷話Me too 

 

  身為前保安局局長嘅葉劉都被恐嚇,Jenny真係好難唔被嚇一跳。但係原來除咗葉劉,連民主黨嘅林卓廷(阿廷)都身受其害,仲話要出嚟「聲援」葉劉添!

 

  阿廷話,原來喺今年7月嘅時候,民主黨就沙田某個屋邨商場改建嘅事,同領展約咗好多次都見唔到面,所以佢同同事就去到領展嘅辦公室抗議,貼吓標語嗌吓口號咁,點知事後領展公關竟然話,公司之前同民主黨有協議,唔會同參與抗議嘅議員會面。阿廷梗係返去問返民主黨啲黨友啦,點個個個都話冇做過咁嘅協定,阿廷唔嬲就假啦!大鬧嗰個公關公然「講大話」、操守惡劣,依家講返起仲係好燥,所以佢對葉劉嘅經歷唔會感到驚訝,同埋致以深切慰問!

 

領展:對指控感震驚

 

  阿廷仲同Jenny講,領展都有話請佢食飯慢慢傾㗎,不過都被佢拒絕咗。阿廷呼籲葉劉提供多啲詳情,同埋挺身而出去舉報有關人士,因為都估呢樣嘢領展唔會係第一次㗎啦,仲話有機會希望同葉劉整返個聯署聲明添!嘩!一個領展事件竟然可能促使到建制同泛民世紀合作,Jenny真係要講返句「欽敬、欽敬」!

 

  Jenny梗係即刻去問問領展有咩回應啦!佢地就同Jenny講一直有同新民黨保持溝通,包括立法會議員、各區區議員、研究部職員等,對於指控感到好震驚,指公司絕對不會透過任何人士,向新民黨表達相關言論。領展仲話,「鑑於葉劉淑儀就領展事務的評論,反映她對公司的情況了解並不全面」,希望透過不同途徑加強有關溝通工作,未來會繼續加強雙方溝通,藉以強化關係,釐清誤會。

 

我要回應
  • 作者/專欄搜尋
  • 文章搜尋
  • 生活副刊
  • DIVA
  • 健康好人生
產品簡介

【etnet Xmas Bonus賞你】星巴克咖啡券

【DIVA Channel】賞睇《生命因妳更強》

【etnet Xmas Bonus賞你】新城市廣場‧星光泡泡許願泉體驗及粉彩Selfie棉花糖