INTERNATIONAL AFFAIRS 世事政情
  • 言歸政傳Jenny Yin 加入最愛專欄
  • 於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

楊岳橋喜獲來自「阿爺」的「嘉許狀」? 2018-08-09收藏文章
  • 我要回應

  立法會而家放緊暑假,議員們去旅行嘅旅行、去考察嘅去考察,好多時都唔喺香港,好似公民黨嘅楊岳橋(AY)同埋專業議政嘅莫乃光(Charles)就去咗美國三藩市考察同埋出席講座。但AY竟然遇上「粉絲」為佢送上「先進地下黨員」嘉許狀......

 

 

 

AY去到舊金山都有「粉絲」?

 

  而啱啱喺今日嘅第一個講座,AY就收到份神秘禮物噃!原來當地有個「舊金山香港社團聯會」,入面幾個後生仔,喺講座開始前送上咗一張「先進地下黨員」獎狀畀佢,抗議佢近日對梁天琦被捕入獄,同埋民族黨事件嘅反應,批評佢作為泛民一員,但係喺好多情況下都冇就香港前途為港人爭取民主,仲暗中「幫忙」促進大灣區發展、同中港融合......

 

  除咗呢張像真度極高嘅獎狀,呢班後生仔仲畀咗紅布黃字「公民民主黨,攜手賣香港」橫額一幅同埋紅線一條AY添!佢哋喺facebook話,紅線係代表今次香港民族黨事件中,AY唔係去捍衛言論自由,而係要求政府界定國安紅線,所以特意送上紅線祝願佢「得償所願」,亦都綁埋黃絲帶以表泛民同中共係friend子;至於獎狀就諷刺他正式「投共」成功。

 

唔好講笑像真度真係幾高吓!

 

像真獎狀拎返歸? AY:「攞到咪攞囉!」 

 

  呢種咁有創意嘅示威方式,其他人見到可能會O晒嘴,不過AY話晒都係「識玩之人」,全程笑晒口,又好大方咁同班後生仔影合照、仲話:「你哋都好有心機噃!」仲輕鬆過班示威者!

 

  收到份咁特別嘅「禮物」,Jenny 就問AY點睇先?佢就幾睇得開咁話:「見到啲年輕人喺三藩市都咁關心香港,幾有心機」、「從政者點都會遇到一啲唔認同自己嘅人」,相信對方都只係幽佢一默咁話喎!至於會唔會拎啲「禮物」返香港?AY就答話:「攞到咪攞囉!」

 

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk
我要回應
  • 生活副刊
  • DIVA
  • 健康好人生
產品簡介

DIVA x HoPE 賞你 比利時100%有機香薰油套裝

【etnet Bonus賞你】黃金海岸商場 X B.Duck 萌爆行李帶和行李牌

【etnet Bonus賞你】PopWalk X emoji™ Summer Adventure 暑期大歷險 - emoji™鬼馬表情沙灘巾