LEISURE 消閒
  • 我家私房菜韋太 加入最愛專欄 [本欄每周三更新]
  • 韋太 (Irene Chan),烹飪導師,食譜作者及擔任食譜創作工作。

     

    曾獲多間大型機構邀請撰寫食譜。2009-2017年出版了12本個人創作食譜,分別是《自家製懷舊小食1&2》、《一口果香》、《小食多滋味》、《我愛手工麵包》、《你煮得到的家常菜》、《人氣曲奇蛋糕》、《韋太王牌甜品》、《人氣招牌家常菜 》、《全手工低溫做麵包》、《最多人想學的前菜小食》以及《簡易全雞宴》。

     

     

廣式炸醬 2017-04-19收藏文章
  • 我要回應

  睇韓劇時,唔知大家有無發覺韓國人好喜歡吃炸醬麵?原因是否用肉醬拌麵,可以令每條麵線掛滿肉醬,能令每一啖麵好吃更多呢? 

 

  我們到港式雲吞麵舖,大部份人多數會點雲吞麵、魚蛋粉或牛腩麵…..大家曾否見過坐在同檯的朋友點了碗炸醬麵,另附加一碗雲吞清湯呢?大家有無考慮試下點一碗炸醬麵去品嚐一下,了解為何韓國人多麼喜歡吃炸醬麵的原因?當然,廣式炸醬麵與韓式的炸醬麵,在醬汁製作方面會有不同的地道分別,作為中國人,何不先嘗試品嚐廣式的味道呢 !

 

  今期教授大家製作廣式炸醬,味道偏向甜辣。做好的炸醬可以放入雪櫃,食用時搭配廣式生麵,都十分惹味可口。如果想材料更加豐富,可以多加入冬菇絲、乾蔥絲或將豬肉改切幼絲去煮。或可將炸醬淋在煎好的茄子上,會有另一種風味!

 

烹煮時間: 30分鐘

份量: 2-3人

 

 

材料:

半肥瘦豬肉   250 克  (攪爛)

蝦米            1湯匙

蒜茸           1茶匙

乾蔥茸        1湯匙

蔥粒            適量

 

醬汁調味料:

生抽         2茶匙

豆瓣醬      1湯匙

磨豉醬      1湯匙

紹酒        1茶匙

麻油        1茶匙

砂糖        1茶匙

老抽        2茶匙

清水       100 毫升

 

生粉水: 生粉 1茶匙   清水  1茶匙 (拌勻)

 

做法:

 

  1.      蝦米切幼粒或切碎,備用。

 

  2.    半肥瘦豬肉可以買時攪爛或回家自行刴爛,備用。 

 

  3.      燒熱鑊落少許油,加入蒜茸、乾蔥茸、蝦米爆香,然後加入磨豉醬、豆瓣醬炒勻,加入豬肉碎及餘下醬汁調味料煮滾後,改慢火煮15分鐘至水略收乾,加入適量生粉水埋獻成炸醬。

 

 

韋太小貼士:

 

  1. 做好的炸醬用密實盒盛好,放入雪櫃一周內食用,可以伴麵食或白飯,非常惹味可口。

 

  2. 不同地區做的炸醬在調味方面略有少許出入,大家可以按照個人喜好去調較醬汁的濃度。

 

  3. 愛吃辣的朋友可以將豆瓣醬的份量增加,那就要自行再調配味道及水份,因為豆瓣醬都帶鹹味。

 

我要回應
  • 生活副刊
  • DIVA
  • 健康好人生
產品簡介

【只演4場!】《ABBA 狂熱》演唱會10月底載譽重臨!

【DIVA品味派】賞睇《美國特工》

【DIVA 品味派‧Wednesday Treat】賞Guerlain [巴黎之吻限定版] 親親四色唇彩盒