MANAGEMENT 管理
  • 玄來更精彩黃美雲 加入最愛專欄 [本欄逢周四更新]
  • 黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

【靚女唔一定有靚名】怎樣的名字能有好姻緣? 2017-04-13收藏文章
  • 我要回應

  靚女唔一定有靚名,此處所講嘅靚,係從姓名學嘅角度出發。

 

  近年當選嘅港姐,不衹要艷壓群芳,亦要係出色嘅Achiever。

 

 

  應屆冠軍馮盈盈乃港大畢業生,修讀食物及營養學系,肯定係本地尖子。佢嘅美麗事業,亦發展得早,中學已經天生麗質難自棄,兼職模特兒,經常以角色扮演於活動中曝光,因此畀網民棒為「港大校花」、「食營女神」,後來更喺「百變美人季」大中華總決賽及亞太區總決賽獨佔鰲頭。不過佢當選港姐後被人起底曾在網頁爆粗。

 

  佢論學業、事業、名氣,的確收獲豐盈,但喺感情路上,可能有阻滯,相信爆粗機會會更多!

 

  好意先生認為:盈盈呢個名,麻麻地!

 

  點解?

 

  「聯想唔好,你諗吓,多數講淚盈盈㗎嘛!」佢答。

 

  「唔可以喜盈盈咩?」我拗。

 

  「你話兩者邊個多人講吖?而且盈字下邊嘅皿字乃血字尾,有麻煩。亦主感情多波折,不過有呢個名嘅人,係叻女嚟嘅。」

 

 

  講到叻女,上屆冠軍麥明詩個名又點呀?有個明字,有日有月,有陰有陽,夠平衡喇卦!不過間中有啲負面評語。

 

  「我冇睇娛樂新聞,一概唔知。但以名論名,麥嘅諧音係墨,由墨至明,即由暗轉光,係咪有D轉折呢?仲有,詩字唔實淨,太虛浮飄渺,因此姻緣亦來來去去。」好意先生答。

 

  「媒體久不久就傳佢可能同林作復合嘅消息,你點睇林作呢個名?林作最近又有攪作,暫時放棄大狀資格,飛身撲入補習天王行業。」我一於八到底。

 

  「唔!兩個人嘅名唔配,冇可能復合。但我認為作字可當有作為、有名氣解,亦可當作嘢、攪嘢、作怪解。」

 

  普遍而言,女人名字,宜避開D如煙如霧嘅字,皆因太不實在。詩字音好,但易浮。至於冰雪等,皆忌用,因太冷,在感情生活中難激起熱情,容易有緣無份。薇亦是傷心的字,難逃注定受傷的宿命。

 

  女人嘅名,同做人一樣,切忌太虛淨,名字飄盪,愛情也飄盪。情路艱難,姻緣流散,是女人最痛!

 

我要回應
  • 作者/專欄搜尋
  • 文章搜尋
  • C
  • D
  • D
產品簡介

【DIVA 品味派‧Wednesday Treat】賞YSL唇膏

【得獎名單】【DIVA 品味派 x M.A.C】賞 專業個人彩妝體驗

【得獎名單】【DIVA品味派】賞睇《二十比十六》