MANAGEMENT 管理
  • 玄來更精彩黃美雲 加入最愛專欄 [本欄逢周四更新]
  • 黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

【真人真事】冇禮貌可能冇命! 2017-12-07收藏文章
  • 我要回應

  「四十歲前你講呢D奇聞異事,我一定話你迷信。現在我七十幾咧,慣見拍戲過程中嘅怪事,親眼見嘅、親耳聽嘅,無奇不有,我現在唔敢話有乜事係唔可能嘅。」資深藝人話。

 

 

  跟著她複述一個業內朋友的真人真事:

 

  一攝影隊日間在墳場拍外景,口痕友問身旁一位工作人員:

 

  「喂!你咪有陰陽眼嘅,有冇料到呀?」

 

  「鬼睇囉!佢地話我地嘈住佢地瞓呀!好在冇陰陽界投訴組,否則我地唔駛拍咧!」

 

  翌日,口痕友又問陰陽眼今日有冇另類觀眾呀?

 

  「呀!嗰邊山丘有一對,正在談情。」

 

  「唏!做鬼都媾女!得閒咀兩咀!」口痕友輕佻地說。

 

  他回家後,不知何故,除了他,全家人都病倒了,到醫院驗完又找不出病因,心知不妙,立刻找陰陽眼到家中勘察。

 

  「哎吔!嗰日談情嗰位老兄跟住你呀!佢仲怒目睥住你㖭。佢話你口衰,而家你陽氣還盛,攪唔到你,所以先向你家人下手,等你元氣稍減,就郁你!」

 

  口痕友知死,懇求陰陽眼班救兵,好不容易才找到一位肯淌這潭渾水的高人,於是擇了吉日吉時,準備作法。

 

  「到時你要駛開家人,午夜十二時前要作法,如果錯過呢個時辰,就難救咧!」高人鄭重吩咐。

 

  誰知口痕友當晚一支公等吓等吓,竟然睡著了。救兵由十一時開始打電話、打門、踢門、大叫…等,都冇人應,等到十一時四十九分,爛瞓蟲才惺忪睡眼出來開門。

 

  高人立刻用針拮破口痕友十指、把血滴在生菜上,然後拿著血菜在屋中繞了一圈,朗聲說:

 

  「你有怪莫怪,佢係口痕口快,現在以血還債。你大人大量,速閃為上,功德無量…」

 

  鬼魂終於消了口氣,收貨走人。呀,應該係走鬼。

 

  故事的教訓是:人在明鬼在暗,好心收吓把口,無謂挑戰黑勢力啦!

 

我要回應
  • 作者/專欄搜尋
  • 文章搜尋
  • 生活副刊
  • DIVA
  • 健康好人生
產品簡介

【etnet Xmas Bonus賞你】星巴克咖啡券

【DIVA Channel】賞睇《生命因妳更強》

【etnet Xmas Bonus賞你】新城市廣場‧星光泡泡許願泉體驗及粉彩Selfie棉花糖