MANAGEMENT 管理
  • 玄來更精彩黃美雲 加入最愛專欄 [本欄逢周四更新]
  • 黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

【2018威威嘅生肖】兔仔行大運、馬仔時運高,蛇仔蛇女好風騷 2018-01-09收藏文章
  • 我要回應

  開篇講會飛嘅生肖,兔仔舊年運氣下滑,今年就飛黃騰達!

 

 

肖兔

 

  兔仔丁酉年不斷有鑊爆,全年如坐過山車。今年就吐氣揚眉、傲視生肖群!可謂事事暢順、路路亨通,當然,你唔可以攤係梳化上就希望發達!都要伺機行動,再配合「月德」同「歲合」等吉星,已營造咗有利條件,總之,今年人緣好、健康好、財運好。但要注意易破小財同犯桃花,所以酒色財,盡量遠離。

 

肖馬

 

  馬仔今年馬不停蹄,工作湧住嚟。大喜訊息係有「將星」,即係會被重用,可以發揮領導才能,特別能夠帶領團隊,突破以往局限,會go from strength to strength,實現三合拱照嘅優勢。不過要小心有人攪破壞,提防小人官非。全年運程不俗,財運、人緣俱佳。

 

肖蛇

 

  蛇仔蛇女今年好風騷,因「紅鸞」照命,春風得意。仲有「紫微」、「龍德」、「䘵勳」,可謂名成利就,但不要太躊躇滿志、自大張狂,因冇「暴敗」、「天厄」等凶星,怕埋門一腳PK。

 

肖猴

 

  猴子相比之下,就較有局限,可能多勞而未必多得,「驛馬」星動,難免左騰右騰,因此不如借此外勤!應有所得,又有「文昌」星,可進修或向藝術發展,應有所成。但有「吊客」、「天哭」、「天狗」等凶星,凡事宜低調處理、死不表態,免捲入旋渦,又盡量避免去醫院或大酒店,以防影響健康。

 

肖豬

 

  豬仔亦有健康問題,仲有少少情緒困擾,「劫煞」、「孤辰」、「晦氣」等引發嘅負能量會引致是非紛爭,攪到唔開心。幸好有「太陽」星照耀,好快又開心番。講到事業,簡直天馬行空、創意泉湧,除咗鼓勵想像力嘅「天空」星,仲有甜甜蜜蜜嘅「天喜」星,真係十里桃花!

 

肖鼠

 

  老鼠仔本來就活潑,今年創造力再升呢,事業更上一層樓。雖有「喪門」、「血刃」、「浮沉」呢D壞事傷身嘅威脅,幸好一粒天解星頂住,有驚無險。

 

肖虎

 

  老虎仔今年白虎入命,要小心病痛災難,好在有「三台」助陣,逢凶化吉。事業方面,會遇到人事問題,被人篤背脊,無啦啦孭穫,所以要小心前後左右,唔好太aggressive。

 

肖雞

 

  雞仔有D斯人獨憔悴,因為冇吉星,但有「病符」、「陌越」、「六害」,容易有健康同人事問題,今年宜保持冷靜、廣結善緣、以和為貴,投資尤要保守,以免中人圈套。

 

  嗰D今年唔係特別旺嘅生肖,可以借吓他力,即多接近紅得發紫嘅兔、馬、蛇,多沾喜氣,少發脾氣,煩事少理、避免谷氣,自然可以提升運氣!

 

 

我要回應
  • 作者/專欄搜尋
  • 文章搜尋
  • 生活副刊
  • DIVA
  • 健康好人生
產品簡介

【得獎名單】【etnet New Year Bonus賞你】AIA友邦歐陸嘉年華2017/2018

【DIVA Channel】賞睇《死無對證》

【etnet Bonus賞你】 The ONE‧Pochacco丁財兩汪利是封