MANAGEMENT 管理
  • 花生味辦公室玄米米 加入最愛專欄
  • 生於1月18日,外在人格更傾向水瓶的山羊女。表面活潑、接受新事物,人際關係得心應手;實情內裡木木獨獨、抗拒social,寧願少一事也不伸張正義的中環OL。

唉!因為韓國小鮮肉畀阿姐派功課~ 2016-12-15收藏文章
  • 我要回應

  早前,人稱MAMA的亞洲音樂大獎第五度在港舉行。平時上下班總是表現出一副「我好專業,我好成熟」形象的中環OL們,當日終於忍耐不住,噴發那種少少甜,又有少少成熟鹹的少女心。在辦公室內,由偷偷開了Multi Window暗地裏支持,變為女人版「利物浦對車路士」,人人經過都為愛人尖叫咆哮。最好笑的是,連阿姐都對MAMA有興趣? 

 

 

  事發當日,大概下午五時,我被同事G附近的那種「想細聲,但其實好大聲」的聲音吸引過去,發現同事G身邊圍了3位女同事。「八卦神」上身的我,一於走過去吃吃花生。 

 

 

  「喂~堆哂係度有咩搞呀?」 

 

  「MAMA直播啊!!等緊安宰賢呀!!咁耐都未出現㗎!!!」 

 

  「我就唔鍾意D小白臉,諗住睇下啲熟男,李秉憲㗎!」

 

  「我等睇BTS 㗎!」 

 

  「BTS?泰國地鐵呀?」無知的我一問 

 

  「BTS即係防彈少年團呀!7個水嫩嫩嘅小鮮肉組成嘅男團,唱得又跳得,仲要好可愛添㗎!!」 

 

  「哈哈哈!水嫩嫩,由你把口講出嚟好似好變態、好咸濕咁嘅!男人我冇興趣,有冇正韓妹或者好少布果啲女星?」 

 

  「你仲變態啦!」 

 

  之後,我便加入了MAMA大軍。不消15分鐘,圍在同事G附近的人愈來愈多,起哄的人亦愈來愈大聲。此時,大家驚動了阿姐。阿姐一個無聲突襲,在大家不知不覺間,已經站在我們後面。不過阿姐似乎沒有要「爆」大家的意欲,反而好奇大家在看甚麼、甚麼是MAMA、甚麼是EXO,相當好學。

 

  「點解一個全韓國人嘅頒獎典禮要嚟香港搞?仲要有埋直播,係咪真係咁多人睇啊?」 

 

  「緊係啦!成二千蚊張飛D人都爭住去買,貴一貴都唔夠位呀,你睇下D Fans幾瘋狂!仲要連續搞咗5年,真係爭到直播權得天下咁滯!」 

 

  「有冇咁誇張啊?咁麻煩你幾個下星期一做份Market Analysis,比其他同事睇下呢個叫做MAMA嘅活動係咪真係幫直播電視台做到賺到錢。再諗下KPOP可以點係我哋呢行幫到我哋公司啦!」 

 

 

  此時,我們才醒起阿姐仍是阿姐。我們天真以為韓國肌肉型男或是水嫩嫩小鮮肉能夠打動阿姐,令她和我們一起休閒渡過餘下的一小時,邁進Happy Friday。怎料,阿姐原來只是想知直播MAMA的公司的賺錢經濟效益,以及對自己公司的好處!(當然不排除是為了懲罰我們上班時玩樂,而派功課給我們)事件亦教訓我們,千萬不要以為阿姐會和你輕鬆一下。因為阿姐是阿姐,薯仔是薯仔。以後還是在只有薯仔的場合才休息吧。

 

我要回應
投票區

2017-02-22

經濟通X晴報聯合舉辦

前行政長官曾蔭權以公職人員行為失當罪成判囚20個月,你認為恰當嗎?(1010人參與)25

  • 恰當

  • 38%
  • 不恰當

  • 59%
  • 無意見

  • 3%

2017-02-23

經濟通X晴報聯合舉辦

你對本屆政府最後一份財政預算案滿意嗎?(189人參與)18

  • 作者/專欄搜尋
  • 文章搜尋
  • C
  • D
  • D
產品簡介

【etnet x 香港理財月2017】賞你 實用「錢家有道」.別注版成人八達通

【DIVA 品味派 x 路路雜貨】甜蜜情人節 有機3D玫瑰花曲奇餅 Workshop 活動花絮

【得獎名單】【DIVA品味派】賞睇《情繫海邊之城》