MANAGEMENT 管理
  • 花生味辦公室玄米米 加入最愛專欄
  • 生於1月18日,外在人格更傾向水瓶的山羊女。表面活潑、接受新事物,人際關係得心應手;實情內裡木木獨獨、抗拒social,寧願少一事也不伸張正義的中環OL。

上司拒絕加人工 理由嬲到你估唔到! 2017-02-09收藏文章
  • 我要回應

  拎完花紅雙糧搵工跳船是常識吧?亦有單身打工仔選擇過埋年,逗埋利是先走。(因為中環人就算同你唔熟,為咗要面,出手都唔會太低,10蚊紙果啲派咗都驚比人唱)順便跳一跳草裙舞,睇吓老闆肯唔肯加你人工。不過,騙徒行兇嘅手法層出不窮,總會搵到理由敷衍你,鬼叫佢個位根本無得輸。 

 

 

  話說有日同事A氣沖沖地從上司房出來,大家的心都驚一驚,以為公司地震炒人。同事溝通後才知道原來是跳舞失敗。

 

  「佢話入房傾兩句,咪諗住開聲睇吓加薪啲事,你拒絕咪拒絕,都比個好啲嘅理由呀!」

 

  「佢點講?」

 

  「佢話我而家個價已經比早幾年同經驗嘅高喎!你攞早幾年嚟比?早幾年買個包$3,而家都買唔番啦!擺明唔抵得人哋賺得多過佢「當年」同年紀啦!」

 

  「係囉,有通脹㗎嘛~咁佢推你嘅理由又是但咗啲嘅……」

 

  「佢仲要話大老闆肯加,叫佢隨時Propose,但係佢唔肯加!啲錢又唔係佢嘅,加咗我哋佢唔會減人工!閘住人哋為乜啫?」

 

 

  所以話最忌女性上司,通常女上司都較男上司小氣、小家、小心眼。賺得多錢過你想當年,又唔得,仲要同下屬講:大老闆肯加㗎,但我覺得你做得未夠好,再努力吓啦!其實咩居心呢?喺咪以為咁樣講,可以令下屬留喺到,推動下屬再做好啲?就算你要拒絕人,都搵個貼地少少的藉口吧,同經驗薪酬多過早幾年,好正常掛?不過,記住,挑機失敗有三樣嘢都絕不能做:

 

  第一,雖然「龍門」任上司擺,絕不可因生氣而失控!既然上司提到大老闆肯加,同事A應該和上司談條件,雙方協議目標,做到有得加;做唔到就再努力啦~但同事A被怒氣遮蔽雙眼,只顧痛罵上司而忘記講條件,咁衝動,唔加你都正常。

 

  第二,自私一點來說,同事A不應將「跳舞」一事公告同事。同事有可能根據你的經歷,準備招數挑戰上司,或者默默在上司面前搏表現,等佢Propose自己比大老闆加人工。萬一同事真的拗贏上司,到時加佢唔加你,就不要四圍唱公司不公平,只是你太多咀。

 

  最後,未睇清楚自己的斤兩。有人認為自己已工作了多年,到了應該加人工的年資。其實,公司從來沒有「應該加人工的年資」,只有「應該加人工的能力」。只要你有能力,就算你唔要求加人工,良心想留人的上司都會主動加你。相反,能力不足卻搲人工?不但令上司對你印象變差,更幫上司釐清思想,知道你有幾「做得嘢」!

  

我要回應
  • C
  • D
  • D
產品簡介

【DIVA品味派 Giveaway】 WEST SIDE STORY《夢斷城西》

【DIVA品味派 x Le French GourMay】賞 澳門索菲特酒店Privé雙人法式晚餐及酒店住宿一晚

【DIVA品味派】賞睇《我的失常日記》