MANAGEMENT 管理
  • 花生味辦公室玄米米 加入最愛專欄
  • 生於1月18日,外在人格更傾向水瓶的山羊女。表面活潑、接受新事物,人際關係得心應手;實情內裡木木獨獨、抗拒social,寧願少一事也不伸張正義的中環OL。

情人節閃光彈,炸到阿姐發脾氣! 2017-02-16收藏文章
  • 我要回應

  電視、報章、雜誌、連阿媽都早在一星期前,散播著情人節的資訊。(阿媽都係好奇阿女有冇男朋友,男朋友有冇送嘢比你、送得貴唔貴…)情人節正日不單是男朋友的死期,更是很多白領的死期!在一個容易令人因忌妒而爆煲的日子,由上班路線起就一直受到普通人攻擊、回到公司又被同事的閃光彈擊中,刺激一班「口裏說不,身體卻很羨慕」的單身同事。當然,當中不乏單身阿姐⋯ 

 

  平時上班時間搭港鐵已經夠迫,情人節當日更受罪。除了平日的上班族,今日多了一班早早就出動的送花員,及一紮紮阻位到不得了的花束。香港至中環那段路,更如軍訓一樣左穿右插,才能避開花束回公司。難怪阿姐回到公司,都心情煩躁,大呻「情人節真麻煩」!不過,真正的攻擊現在才出擊!上午短短4小時,公司女同事多次起鬨。原因是同事們陸續收件,花、朱古力、首飾等等,每次收件都必定惹來關注,不過話題不限於羨慕,更有八卦和挑撥離間。 

 

 

  「你男友好SWEET啊,又花又朱古力!」 

 

  「嘩!好大紮啊!其實我覺得靚過Sandra果紮囉!」 

 

  「(偷偷地)吓?佢都有人送?係咪佢自己買架?」 

 

  同事出出入入、又四圍起鬨,根本不能安安定定地工作,既影響辦公效率、又令單身同事酸到躁。卒之阿姐忍不住,隨手向剛收花的Carmen發火。 

 

  「Carmen你成朝行嚟行去,做過啲咩啊?我叫你做啲嘢做晒未?請你番嚟行架?收工之前比唔到個research我你唔好走!」 

 

  Carmen無故中箭,拿著剛收到的情人節禮物立即返回坐位。需知道research 的deadline原本不是當天,但阿姐突然「改龍門」要求Carmen即日邀交,明顯是要為難佢、搵佢出氣。Carmen為大家擋了一刀後,眾人秒速收斂,不再敢喺公司公然放閃,可憐Carmen要在情人節正日Chur爆工作。

 

 

  直到收工前10分鐘,一眾女同事如非洲動物大遷徙一樣,湧到洗手間,堆在鏡前——補妝!「收工前齊補妝」這個活動只限於情人節才會出現。此時,廁格一聲沖廁聲,阿姐從廁格步出,洗手間溫度驟降,氣氛變得尷尬,大家「扮哂嘢」別個頭離開洗手間,再極速執袋收工。臨走前,眼見辦公室只剩下「大粒人」和Carmen ..不禁令人心痛。

 

  下次,再有這種危險的日子,(最近的白色情人節),記得,低調!

 

我要回應
投票區

2017-03-02

經濟通X晴報聯合舉辦

【最後衝刺(3月2日至26日)】2017特首選舉進入最後階段,你撐邊一個?(17291人參與)497

  • 曾俊華

  • 30%
  • 胡國興

  • 2%
  • 林鄭月娥

  • 67%
  • 全部不支持

  • 1%
  • C
  • D
  • D
產品簡介

【etnet x 香港理財月2017】賞你 實用「錢家有道」行李牌

【DIVA品味派Start a #Greenery Day】送你春日清涼雪糕禮劵

【DIVA品味派】賞睇《一念無明》